İdman həvəskarı olub-olmamaqdan asılı olmayaraq vahid məqsəd uğrundan çalışan komandanı izləmək maraqlıdır. Komandanın hər bir üzvünün öz rolu var, onlar kollektiv uğura doğru bir-birini irəli aparır.
İdmanda uğura tərif vermək asandır, medallar, kuboklar, mükafatlar uğuru simvolizə edir. İnsan resurslarının idarə edilməsi sahəsində isə müvəffəqiyyət bu dərəcədə nəzərəçarpan deyil.
IBM-i dünyanın ən uğurlu şirkətlərindən birinə çevirən Tomas Vatsonun sözlərinə görə, necə oynayacağınızı bildiyiniz təqdirdə ticarət dünyadakı ən böyük oyundur. Bu müqayisəyə əsasən, şirkətin və insan resurslarının idarə edilməsinin idman yarışına nə qədər oxşadığına diqqət yetirək. Şirkət rəhbərləri və işçilər oyunçulardır. Onlar biznes oyununu oynayırlar. İnsan resursları departamenti oyunçuların soyunub-geyinmə otağıdır. Oyunçular burada oyuna hazırlaşırlar. Əgər onlar xal qazanmaq istəyirlərsə, bu otağı tərk edib oyun meydançasına çıxmalıdırlar. İş dünyasında xal əldə edilən xidmət, keyfiyyət və məhsuldarlıq nəticələri ilə qorunub saxlanır, bunların hamısı birlikdə mənfəəti təmin edir. İnsan resursları departamentinin oyunçuları soyunub-geyinmə otağını, yəni ofisi tərk edib oyun meydançasına gəldikdə istehsal, satış, marketinq və digər departamentlərin oyunçuları ilə birlikdə çalışaraq onların hədəflərinə çatmasına kömək etmək məqsədilə oyuna daxil olurlar. Əgər insan resursları komandası otaqda oturub kiminsə onları çağırmağını gözləsə, oyunda iştirak etmiş hesab edilməyəcək və bu halda dəyərləndirilmədiyindən şikayət etməyə haqqı yoxdur.
Peşəkar idmanla müqayisədə aşağıdakı 5 istiqamət insan resursları üzrə mütəxəssislərə qalib komanda qurmağa yardım edə bilər:
1. İstedadların cəlb edilməsi
İdmançılar kimi işçilər də şirkətə müxtəlif səbəblərdən qoşulurlar. İşəgötürənin nüfuzu və ya işçilərə yenilikləri tətbiq etmək üçün yaratdığı şərait bu cür səbəblərdən ola bilər.
Şirkət olaraq əsas dəyərləri müəyyənləşdirərək onları işəqəbul strategiyasının tərkib hissəsinə çevirmək və işəgötürən brendinin onları dəstəkləməsini təmin etmək vacibdir. İşəgötürən olaraq sizi ən yaxşı namizədlərin seçiminə çevirən amilləri qabartmaqdan çəkinməyin. Bu amillər brendin gücü, komanda olaraq birlikdə işləmə üsulunuz, yeni ideyaları tətbiq etmək və ya qalib komandanın tərkib hissəsi olmaq imkanı ola bilər.
Məqalənin davamı rəy bölməsində
Müəllif: Madam Helpful
