Exceldə Data-Data Validation seçimini edəndə açılan pəncərədə Allow hissəsində olan Listi izah etməyə çalışacağıq. Bu məhdudiyyətdən xanaya istifadəçi tərəfindən ancaq siyahıda olan dəyərləri daxil etmək icazəsi vermək üçün istifadə edilir.
Məsələn, Siz A1 xanasına məlumat daxil edilərkən ancaq ilin aylarının adlarını daxil edilməsini istəyiriksə, aşağıdakı əməliyyatları etməliyik.
1. Ayların adlarını Exceldə G sütunundakı xanalara yazaq
2. A1 xanasının üzərinə gələk, Data-Data Validation – Allow seçimini edək, açılan pəncərədə Listi seçək
3. Source hissəsində ayların adlarını özündə saxlayan siyahını seçib ok düyməsinə tıklayaq.
4. Beləliklə, A1 xanasına siyahıda qeyd edilən dəyərləri daxil edə biləcəyik. Bundan kənarlaşmalar olduqda ekrana xəta mesajı çıxacaqdır.
Buradaykən, Sizdən kiçik bir xahişimiz var. Bildiyiniz kimi, biz – “INNAB” komandası olaraq ana dilində peşəkar inkişafı təmin etmək məqsədi ilə məzmun (kontent) yaratmaqla da məşğuluq. İşinə məsuliyyətlə və həvəslə yanaşan komandamız bu işi təmənnasız şəkildə yerinə yetirir. Komandamız məzmunlarımızın daha çox insanların izləməsini görüb daha da motivasiya olur. Bu işdə sizin də dəstəyinizə ehtiyacımız var. Bu postu paylaşmaqla, həmçinin hər baxıb bəyəndiyiniz videoları, məqalələri daha çox insana tövsiyyə etməklə, youtube kanalımıza, bloqumuza, facebook/linkedin/instagram səhifəmizə abunə olmaqla həm bizi motivə edə, həm də peşəkar inkişafınız üçün zəmin yarada bilərsiniz.
