“Azərbaycan Respublikasının Vergi Məcəlləsində dəyişikliklər edilməsi haqqında” Azərbaycan Respublikasının 30 noyabr tarixli 1356-VQD nömrəli Qanunu ilə Vergi Məcəlləsində bir sıra dəyişikliklər oldu. Biz bu gün bu dəyişikliklərin 2019-cu il Yanvarın 1-dən əmək haqqı hesablamalarına necə təsir edəcəyinə baxacağıq.
Dəyişikliyə əsasən, 2019-cu il Yanvarın 1-dən Vergi Məcəlləsi üzrə Muzdlu işlə işləyən işçilərin əmək haqqından tutulan fiziki şəxslərin gəlir vergisi 2 kateqoriyaya bölünür.
- Dövlət və Neft-qaz sahəsində fəaliyyəti olanların aylıq gəlirindən vergi hesablanması;
- Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində işləyən fiziki şəxslərin aylıq gəlirindən vergi hesablanması;
1-ci qrup üçün gəlir vergisinin hesablanması aşağıdakı cədvələ əsasən
2-ci qrup üçün gəlir vergisinin hesablanması aşağıdakı cədvələ əsasən olacaq.
Bundan başqa, 250-İQ “Sosial sığorta haqqında” AR Qanunu 14.4 maddəsinə əsasən Neft-qaz sahəsində fəaliyyəti olmayan və qeyri-dövlət sektoruna aid edilən sığortaedənlərdə işləyən sığortaolunanların muzdlu işdən aylıq gəlirlərindən məcburi dövlət sosial sığorta haqqı 2019-cu il yanvarın 1-dən 7 il müddətində aşağıdakı dərəcələrlə ödənilir
Misal:
Kazımov Əli Cəfər oğlu Dövlət və ya Neft-qaz sahəsində fəaliyyəti olan bir müəssisədə mühasib vəzifəsində işləyir. Ay ərzində ona 500 AZN əmək haqqı(Gross) hesablanılıb. Məcəllədəki dəyişikliklərə əsasən ona ödəniləcək əmək haqqı (Nett) və vergi öhdəliklərinin hesablanmasına baxaq.
Vergiyə cəlb olunan Hesablanmış əmək haqqı(Gross) = 500 AZN
Fiziki şəxslərin gəlir vergisi = (Hesablanmış əmək haqqı – 200) * 14% = (500 – 200)*14% = 42 AZN
Sığortaolunanın gəlirlərindən tutulan MDSS ayırmaları = Hesablanmış əmək haqqı * 3% = 500 * 3% = 15 AZN
Sığortaolunanın gəlirlərindən tutulan İSS ayırmaları = Hesablanmış əmək haqqı * 0.5% = 500 * 0.5% = 2.5 AZN
Ödəniləcək əmək haqqı (Nett) = Hesablanmış əmək haqqı – Gəlir Vergisi – MDSS – İSS = 440.5 AZN
Sığorta edənin vəsaiti hesabına ödənilən MDSS ayırmaları = Hesablanmış əmək haqqı * 22% = 500*22% = 110 AZN
Sığorta edənin vəsaiti hesabına İSS ayırmaları = Hesablanmış əmək haqqı * 0.5% = 500 * 0.5% = 2.5 AZN
İndi fərz edək ki, Kazımov Əli Cəfər oğlu Qeyri Dövlət və ya özəl sektorda fəaliyyəti olan bir müəssisədə mühasib vəzifəsində işləyir. Hesablamalara baxaq.
Vegiyə cəlb olunan Hesablanmış əmək haqqı(Gross) = 500 AZN
Fiziki şəxslərin gəlir vergisi = 0 AZN
Sığortaolunanın gəlirlərindən tutulan MDSS ayırmaları = 6+( Hesablanmış əmək haqqı – 200) * 10% = 6 + ( 500 – 200) * 10% = 36 AZN
Sığortaolunanın gəlirlərindən tutulan İSS ayırmaları = Hesablanmış əmək haqqı * 0.5% = 500 * 0.5% = 2.5 AZN
Ödəniləcək əmək haqqı (Nett) = Hesablanmış əmək haqqı – MDSS – İSS = 461.5 AZN
Sığortaedənin vəsaiti hesabına ödənilən MDSS ayırmaları = 44 + (Hesablanmış əmək haqqı -200)* 15% = 6 + (500 – 200)*15% = 89 AZN
Sığortaedənin vəsaiti hesabına İSS ayırmaları = Hesablanmış əmək haqqı * 0.5% = 500 * 0.5% = 2.5 AZN
Müəllif: Sərvər Əsədov
____________________________________________________________________________________________________________________________
Buradaykən, Sizdən kiçik bir xahişimiz var. Bildiyiniz kimi, biz – “INNAB” komandası olaraq ana dilində peşəkar inkişafı təmin etmək məqsədi ilə məzmun (kontent) yaratmaqla da məşğuluq. İşinə məsuliyyətlə və həvəslə yanaşan komandamız bu işi təmənnasız şəkildə yerinə yetirir. Komandamız məzmunlarımızın daha çox insanların izləməsini görüb daha da motivasiya olur. Bu işdə sizin də dəstəyinizə ehtiyacımız var. Bu postu paylaşmaqla, həmçinin hər baxıb bəyəndiyiniz videoları, məqalələri daha çox insana tövsiyyə etməklə, youtube kanalımıza, bloqumuza, facebook/linkedin/instagram səhifəmizə abunə olmaqla həm bizi motivə edə, həm də peşəkar inkişafınız üçün zəmin yarada bilərsiniz.