Countif funksiyası şərtə görə sayma əməliyyatını yerinə yetirir. Bu funksiyanın praktikaya tətbiqi zamanı * işarəsindən tez-tez istifadə olunur. * işarəsi kriteriyadakı bir neçə simvolu əvəz edir.
Funksiyanın sintaksisi belədir: =COUNTİF(range,criteria). Range şərtin yoxlanılacağı xanalar toplusunu, criteria isə kriteriyanı ifadə edir.
Funksiyanın praktiki həllinə dair bir nümunəyə nəzər salaq.
A sütununda sorğuda iştirak edənlərin ad, soyadı, B sütununda isə onların iş yerləri göstərilib. Bu siyadı neçə nəfərin bankda işlədiyini tapmaq lazımdır. İş yeri sütununa nəzər salsaq, Bank sözünün həm əvvəldə, həm ortada, həm də axırda yazıldığı xanalar var. Funksiyaya 2-ci kriteriya olaraq “*Bank” ötürsək, Bank sözünün axırda olduğu xanaları hesablayacaq. Əgər kriteriyanı “Bank*” şəklində yazsaq, Bank sözünün əvvəldə olduğu xanaları sayacaq. Bütün halları sayması üçün kriteriya olaraq “*Bank*” daxil etməliyik.
Buradaykən, Sizdən kiçik bir xahişimiz var. Bildiyiniz kimi, biz – “INNAB” komandası olaraq ana dilində peşəkar inkişafı təmin etmək məqsədi ilə məzmun (kontent) yaratmaqla da məşğuluq. İşinə məsuliyyətlə və həvəslə yanaşan komandamız bu işi təmənnasız şəkildə yerinə yetirir. Komandamız məzmunlarımızın daha çox insanların izləməsini görüb daha da motivasiya olur. Bu işdə sizin də dəstəyinizə ehtiyacımız var. Bu postu paylaşmaqla, həmçinin hər baxıb bəyəndiyiniz videoları, məqalələri daha çox insana tövsiyyə etməklə, youtube kanalımıza, bloqumuza, facebook/linkedin/instagram səhifəmizə abunə olmaqla həm bizi motivə edə, həm də peşəkar inkişafınız üçün zəmin yarada bilərsiniz.
