HR mütəxəssislərinin istifadə etdiyi Excel əmrləri

9 ilə yaxın ətrafımda olan HR mütəxəssislərinin Excel davranışlarını müşahidə edirəm. Bu müşahidələrimin və sosial şəbəkələrdə apardığım araşdırmanın nəticələrini Sizinlə də paylaşmaq istəyirəm. Apardığım araşdırmaya görə aşağıdakı 12 menyu, əmr və funksiyalar HR mütəxəssisləri tərəfindən daha çox istifadə edilir. Buyurun, onların adları və qısa izahları ilə tanış olun. Linklər vasitəsilə müvafiq video dərslərə keçid edə bilərsiniz.

1. 1. Paste Special – Köçürmə əməliyyatlarının Exceldə ən çox istifadə edilməsi müzakirə olunmazdır. Məhz buna görə bu menyu daha çox istifadə edilənlər arasındadır. Ən populyar əmri isə Paste Special – Values əmridir.
   2. Conditional Formatting – Müxtəlif kriteriyalara uyğun məlumatların verilənlər bazasında daha da diqqətə çatan olması üçün istifadə edilən bir menyudur. Bu menyu vasitəsi ilə hansısa məlumatı şərtli formatlayaraq istəyinizə uyğun əməliyyatı üzərində icra edə bilərsiniz.
   3. Sort&Filter – Verilənləri istəyimizə uyğun sıralamaq və filterləmək üçün istifadə edilir.
   4. Pivot table – Üzərində işlədiyimiz verilənlər bazası üzərində istəyimizə uyğun hesabatı ən qısa vaxtda hazırlamağımıza imkan verir.
   5. Axtarış funksiyaları (Vlookup, HLookup, Index, Match) – Bu funksiyalar vasitəsi ilə hansısa bir məlumatı verilənlər bazasında axtarmaq, ona uyğun göstəriciləri qarşısında yazmaq mümkündür.

1. Edate, Eomonth, Networkdays, Workday – işçilərin sınaq müddətinin, iş günlərinin izlənməsi üçün istifadə edilən funksiyalardır.
2. Concatenate, Substitute, Left, Right – İşçilərin məlumatlarını özündə saxlayan mətnlərin birləşdirilməsi, yerinin dəyişdirilməsi, soldan və ya sağdan kəsmək üçün istifadə edilir.
3. Go to special – Daxil edilmiş kriteriyaya uyğun məlumatları verilənlər bazasında seçmək mümkündür.
4. IF, Sumif, Sumifs, Countif, Countifs – şərtə görə müxtəlif hesablama əməliyyatları aparmaq mümkündür.
5. Consolidate – bir və ya bir neçə cədvəldəki məlumatları asanlıqla ümumiləşdirməyə imkan verir.
6. Freeze panes – Bir neçə səhifəlik Excel sənədi ilə işləyərkən üst sətirin daim görünən olması üçün aparılan bir tənzimləmədir.
7. Print Titles – Çapla bağlı məsələlər bu hissədə öz əksini tapır.

Beləliklə, yuxarıdakı menyuları, əmrləri və funksiyaları öyrənməklə HR mütəxəssisi üçün vacib olan ilkin Excel biliklərinə sahib ola bilərsiniz.

____________________________________________________________________________________________________________________________

Buradaykən, Sizdən kiçik bir xahişimiz var. Bildiyiniz kimi, biz – “INNAB” komandası olaraq ana dilində peşəkar inkişafı təmin etmək məqsədi ilə məzmun (kontent) yaratmaqla da məşğuluq. İşinə məsuliyyətlə və həvəslə yanaşan komandamız bu işi təmənnasız şəkildə yerinə yetirir. Komandamız məzmunlarımızın daha çox insanların izləməsini görüb daha da motivasiya olur. Bu işdə sizin də dəstəyinizə ehtiyacımız var. Bu postu paylaşmaqla, həmçinin hər baxıb bəyəndiyiniz videoları, məqalələri daha çox insana tövsiyyə etməklə, youtube kanalımıza, bloqumuza, facebook/linkedin/instagram səhifəmizə abunə olmaqla həm bizi motivə edə, həm də peşəkar inkişafınız üçün zəmin yarada bilərsiniz.